കലോത്സവ വിവാദം; 11 പേർക്കെതിരെ കേസ്

കോഴിക്കോട് വച്ച് നടന്ന സംസ്ഥാന സ്കൂൾ കലോത്സവത്തിലെ സ്വാഗതഗാന അവതരണ വിവാദത്തിൽ 11 പേർക്കെതിരെ കേസെടുത്ത് പൊലീസ്. മാതാ പേരാമ്പ്രയുടെ ഡയറക്‌ടറടക്കമുള്ള 11 പേർക്ക് എതിരെയാണ് കേസ്. കോഴിക്കോട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയുടെ നിർദേശപ്രകാരമാണ് കേസെടുത്തത്.

മുസ്ലീം വേഷധാരിയെ ഭീകരവാദിയായി അവതരിപ്പിച്ച ഭാഗമാണ് വിവാദമായത്. വിമർശനത്തിന് തുടക്കമിട്ടത് മുസ്ലീം ലീഗാണെങ്കിലും അന്വേഷണം വേണമെന്ന ആവശ്യം ഉന്നയിച്ചത് മന്ത്രി മുഹമ്മദ് റിയാസാണ്. ഇതിനു പിന്നാലെ കോഴിക്കോട് ജില്ലാ നേതൃത്വവും വിമർശനവുമായി രംഗത്തെത്തി. പാർട്ടി സംസ്ഥാന സെക്രട്ടറിയും പിന്തുണച്ചതോടെ പേരാമ്പ്ര മാതാ കലാകേന്ദ്രത്തെ കലോത്സവങ്ങളിൽ നിന്ന് മാറ്റിനിർത്താൻ മന്ത്രി വി ശിവൻകുട്ടി പ്രഖ്യാപിച്ചിരുന്നു