മലപ്പുറം: വന്ദേ ഭാരത് എക്‌സ്പ്രസിനു നേരെ കല്ലേറ്. മലപ്പുറം തിരുനാവായ സ്‌റ്റേഷന് സമീപമാണ് കല്ലേറുണ്ടായത്. ട്രെയിനിന്റെ ചില്ലിന് ചെറിയ വിള്ളൽ സംഭവിച്ചു. ആക്രമണത്തെ തുടർന്ന് ട്രെയിൻ 25 മിനിറ്റ് വൈകി. യാത്രക്കാർക്ക് പരിക്കില്ലെന്നാണ് ലഭ്യമായ വിവരം. കാര്യമായ കേടുപാടുകൾ പറ്റാത്തതിനാൽ യാത്ര തുടർന്നതായി റെയിൽവേ അധികൃതർ അറിയിച്ചു.
C-4 കോച്ചിന്റെ 62, 63 സിറ്റുകളുടെ വിൻഡോയ്ക്ക് നേരെയാണ് കല്ലേറ് ഉണ്ടായത്. അക്രമിയെ കണ്ടെത്താൻ അന്വേഷണം ആരംഭിച്ചതായി മലപ്പുറം എസ്‌പി പറഞ്ഞു. പ്രദേശത്ത് പോലീസ് തിരച്ചിൽ നടത്തുകയാണ്. സംഭവത്തിൽ റെയിൽവേ പോലീസും കേസെടുക്കും.
