പുതുക്കാട് തെക്കെതൊറവില്‍ പേവിഷ ബാധയേറ്റ തെരുവുനായയെ നാട്ടുകാര്‍ പിടികൂടി നിരീക്ഷണത്തിലാക്കി. പ്രദേശത്ത് രാവിലെ മുതല്‍ പേയിളകിയ ലക്ഷണങ്ങളോടെ അലഞ്ഞുനടന്ന തെരുവുനായയെയാണ് പഞ്ചായത്ത് സെക്രട്ടറിയുടെ നിര്‍ദേശപ്രകാരംപിടികൂടി കെട്ടിയിട്ടത്.പുതുക്കാട് വെറ്ററിനറി ഡോക്ടര്‍ സ്ഥലത്തെത്തി പരിശോധന നടത്തിയശേഷമാണ് നായയെ നിരീക്ഷണത്തിലാക്കിയത്. ഈ നായയുടെ കൂട്ടത്തിലുള്ള നായകള്‍ പ്രദേശത്ത് അലഞ്ഞുനടക്കുന്നത് ആശങ്കയ്ക്കിടയാക്കുന്നുണ്ട്.
അവയെ കൂടി പിടികൂടി നിരീക്ഷണത്തിലാക്കണമെന്നാണ് നാട്ടുകാരുടെ ആവശ്യം. പേയിളകിയ നായ വളര്‍ത്തുമൃഗങ്ങളേയും തെരുവുനായകളെയും
കടിച്ചിട്ടുണ്ടാകാമെന്നാണ് കരുതുന്നത്. വാര്‍ഡ് മെംബറുടെ നേതൃത്വത്തില്‍ നാട്ടുകാരാണ് നായയെ നിരീക്ഷണത്തിലാക്കിയത്. പ്രദേശത്ത് തെരുവുനായ ശല്യം രൂക്ഷമാണെന്നും അധികൃതര്‍ നടപടിയെടുക്കണമെന്നും നാട്ടുകാര്‍ ആവശ്യപ്പെട്ടു.
തൃശ്ശൂരില്‍ പേവിഷ ബാധയേറ്റ തെരുവുനായയെ നാട്ടുകാര്‍ പിടികൂടി നിരീക്ഷണത്തിലാക്കി
- Advertisement -
