പിവി സിന്ധുവും ലക്ഷ്യ സെന്നും കാനഡ ഓപ്പണ്‍ സെമി ഫൈനലില്‍

ഇന്ത്യൻ താരങ്ങളായ പിവി സിന്ധുവും ലക്ഷ്യ സെന്നും കാനഡ ഓപ്പണ്‍ സെമി ഫൈനലില്‍ പ്രവേശിച്ചു. രണ്ട് തവണ ഒളിമ്ബിക്‌സ് മെഡല്‍ നേടിയിട്ടുളള പി വി സിന്ധു ചൈനയുടെ ഗാവോ ഫാങ് ജിയെയാണ് കീഴടക്കിയത്.നേരിട്ടുളള രണ്ട് ഗെയിമുകളില്‍ ചൈനീസ് താരത്തെ 21-13, 21-7 എന്നീ സ്‌കോറിനാണ് സിന്ധു പരാജയപ്പെടുത്തിയത്. സെമിയില്‍ ജപ്പാന്റെ ഒന്നാം സീഡായ അകാന യമാഗുച്ചിയെയാണ് താരം നേരിടുക. ജപ്പാനെതിരെ നടന്ന 14 മത്സരങ്ങളില്‍ വിജയിക്കുകയും ഒമ്ബത് മത്സരങ്ങളില്‍ തോല്‍ക്കുകയും ചെയ്തിട്ടുണ്ട് താരം.

2022ലെ കോമണ്‍വെല്‍ത്ത് ഗെയിംസ് ജേതാവായ ലക്ഷ്യ സെൻ ജര്‍മ്മനിയുടെ ജൂലിയൻ കരാഗിയെ 21-8, 17-21, 21-10 എന്ന സ്‌കോറിനാണ് പരാജയപ്പെടുത്തിയത്. ആദ്യ ഗെയിം നേടിയ താരത്തിന് രണ്ടാം ഗെയിമില്‍ കാലിടറിയെങ്കിലും ശക്തമായി തിരിച്ചു വരികയായിരുന്നു. സെമിയില്‍ ജപ്പാന്റെ കെന്റ നിഷിമോട്ടോയാണ് ലക്ഷ്യയുടെ എതിരാളി.

ജൂലൈ 4ന് ആരംഭിച്ച കാനഡ ഓപ്പണ്‍ അവസാനിക്കുക ജൂലൈ 9-തിനാണ്.