കാട്ടുപന്നി ഇടിച്ച്‌ ഓട്ടോ മറിഞ്ഞു. സംഭവത്തില്‍ വനിതാ ഡ്രൈവര്‍ മരിച്ചു. വക്കാല ആലമ്ബള്ളി സ്വദേശി വിജീഷ സോണിയ ആണ് മരിച്ചത്.മംഗലംഡാം കരിങ്കയത്ത് വെച്ചായിരുന്നു അപകടം. സോണിയയെ നെന്മാറയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. ഓട്ടോയില്‍ ഉണ്ടായിരുന്ന മൂന്ന് കുട്ടികള്‍ക്ക് പരിക്കേറ്റു.
സ്‌കൂള്‍ ട്രിപ്പിനിടെയായിരുന്നു കാട്ടുപന്നിയുടെ ആക്രമണം. ഇടിയുടെ ആഘാതത്തില്‍ ഓട്ടോയുടെ നിയന്ത്രണം നഷ്ടമാവുകയായിരുന്നു. ഓട്ടോയില്‍ ഉണ്ടായിരുന്ന വിദ്യാര്‍ത്ഥികളായ അമയ, അനയ, ടോമിലിൻ എന്നിവര്‍ക്കാണ് പരിക്കേറ്റത്. രാവിലെ എട്ട് മണിയോടെ എര്‍ത്ത്ഡാം – ഓടംതോട് റോഡില്‍ കരിങ്കയം പള്ളിക്ക് സമീപമാണ് അപകടമുണ്ടായത്.
ഈ മേഖലയില്‍ വന്യജീവി ആക്രമണം തുടര്‍ക്കഥയാവുകയാണ്. ആറ് മാസം മുൻപ് കാട്ടുപന്നിയുടെ ആക്രമണത്തില്‍ സമാനമായ രീതിയില്‍ ബൈക്ക് യാത്രികൻ അപകടത്തില്‍പ്പെട്ട് മരിച്ചിരുന്നു.
വിദ്യാര്‍ത്ഥികളുമായി പോകവേ കാട്ടുപന്നിയുടെ ആക്രമണം; വനിതാ ഓട്ടോ ഡ്രൈവര്‍ക്ക് ദാരുണാന്ത്യം; മൂന്ന് കുട്ടികള്‍ക്ക് പരിക്ക്
- Advertisement -
