ന്യൂഡൽഹി: രാഹുൽഗാന്ധി ലോക്സഭാ പ്രതിപക്ഷ നേതാവാകും. കോൺഗ്രസിൻ്റെ ലോക്സഭാ കക്ഷി നേതാവായി രാഹുൽ ഗാന്ധിയെ തെരഞ്ഞെടുക്കാനാണ് തീരുമാനം.
രാഹുൽ വയനാട് സീറ്റ് ഒഴിഞ്ഞേക്കുമെന്നും റായ്ബറേലിയിൽ എംപിയായി തുടരുമെന്നും വിവരമുണ്ട്.
അതേസമയം വയനാട്ടിൽ രാഹുൽ ഗാന്ധിയുടെ ഒഴിവിൽ പ്രിയങ്ക ഗാന്ധി മത്സരിക്കില്ല. കേരളത്തിലെ നേതാക്കളെ തന്നെ പരിഗണിക്കാനാണ് കോൺഗ്രസ് തീരുമാനം.

ഡൽഹി : ഒന്നരമാസത്തോളം കാടിളക്കിയുള്ള പ്രചാരണത്തിന്റെ ഫലം ആർക്ക് അനുകൂലമാവുമെന്ന അത്യന്തം ആകാംക്ഷ നിറഞ്ഞ് നിമിഷങ്ങളിലാണ് രാജ്യം. ഏപ്രിൽ 19ന് ആരംഭിച്ച വോട്ടെടുപ്പ് ജൂൺ ഒന്നിനാണ് പരിസമാപ്തി കുറിച്ചത്. ഏഴ് ഘട്ടങ്ങളിലായാണ് 543 മണ്ഡങ്ങളിലേക്കുള്ള വോട്ടെടുപ്പ് നടന്നത്. അങ്കത്തട്ടിൽ അണിനിരത്ത് 8,360 സ്ഥാനാർത്ഥികൾ.

ഇന്ന് രാവിലെ എട്ട് മണിയോടെ തന്നെ വോട്ടെണ്ണൽ ആരംഭിക്കും. രാവിലെ 11 ഓടെ ആദ്യ ട്രെന്റുകൾ വ്യക്തമാകും. ഉച്ചയോടെ പൂർണചിത്രം തെളിയും. അന്തിമ ഫലം സംബന്ധിച്ച് തിരഞ്ഞെടുപ്പ് കമ്മീഷന്റെ ഔദ്യോഗിക പ്രഖ്യാപനം രാത്രിയോടെയായിരിക്കും ഉണ്ടാകുക

ദില്ലി: ലോക്സഭാ തെരഞ്ഞെടുപ്പിൽ 64 കോടി പേര്‍ വോട്ട് ചെയ്തുവെന്ന് മുഖ്യ തെരഞ്ഞെടുപ്പ് കമ്മീഷണര്‍ രാജീവ് കുമാര്‍. വോട്ടെണ്ണലിന് മുന്നോടിയായി ദില്ലിയിൽ വിളിച്ചു ചേര്‍ത്ത വാര്‍ത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. ഏഴ് ഘട്ടങ്ങളിലായി നടന്ന തെരഞ്ഞെടുപ്പ് തീര്‍ത്തും സമാധാനപരമായി പൂര്‍ത്തിയാക്കാൻ സാധിച്ചത് ഒരു അത്ഭുതമായിരുന്നുവെന്നും അദ്ദേഹം പറഞ്ഞു.

താരപ്രചാരകരെ നിയന്ത്രിക്കാൻ പാർട്ടികൾക്ക് നിർദ്ദേശം നൽകിയെന്നും മാതൃകാ പെരുമാറ്റ ചട്ടവുമായി ബന്ധപ്പെട്ട് കിട്ടിയ 495 പരാതികളിൽ 90 ശതമാനവും പരിഹരിച്ചുവെന്നും കമ്മീഷണര്‍ വ്യക്തമാക്കി. ഉന്നത നേതാക്കൾക്കെതിരെ അടക്കം കേസെടുത്തു. പരാതികളിൽ നോട്ടീസ് നൽകി. യാതൊരു പക്ഷപാതിത്വവും ആരോടും കാട്ടിയില്ല. പദവി നോക്കാതെ നടപടിയെടുത്തു.  വ്യാജ വാർത്തകൾക്കെതിരെ ശക്തമായ നടപടിയെടുത്തുവെന്നും രാജീവ് കുമാര്‍ വ്യക്തമാക്കി.