ട്രെയിനില്‍ നിന്നും വീണ് പിതാവും അഞ്ച് വയസുകാരിക്കും ദാരൂണാന്ത്യം. ഭീമറാവു(35), മകള്‍ മോണിക്ക എന്നിവരാണ് മരിച്ചത്.രാജസ്ഥാനില്‍ സിരോഹി ജില്ലയിലെ അബു റോഡ് സ്‌റ്റേഷനിലാണ് സംഭവം.
പാലി ജില്ലയിലെ ഫല്‌നയിലേക്ക് പോകാൻ ഭാര്യയ്ക്കും ഇരട്ടക്കുട്ടികള്‍ക്കുമൊപ്പമാണ് ഭീമറാവു അബു റോഡ് സ്റ്റേഷനില്‍ എത്തിയത്.
തിരക്കേറിയ സബര്‍മതി-ജോധ്പൂര്‍ പാസഞ്ചര്‍ ട്രെയിനില്‍ കയറുന്നതിനിടയില്‍ ഭീമറാവു ബാലൻസ് നഷ്ടപ്പെട്ട് മോണിക്കയോടൊപ്പം ട്രെയിനിന് അടി‌യിലേക്ക് വീഴുകയായിരുന്നു.
ഇരുവരെയും ഉടൻ തന്നെ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. മൃതദേഹങ്ങള്‍ പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് കൈമാറി.
ട്രെയിന്‍ കയറുന്നതിനിടക്ക് ബാലന്‍സ് നഷ്ടപ്പെട്ടു; ട്രെയിനില്‍ നിന്നും വീണ് പിതാവിനും അഞ്ച് വയസുകാരിക്കും ദാരുണാന്ത്യം
- Advertisement -
