LOCAL NEWS
മഹാരാജാസ് കോളേജിലെ ജെന്ഡര് ശുചിമുറികള് വിപ്ലവമായി, ആണിനും പെണ്ണിനുമെല്ലാം ഒരു ടോയ്ലറ്റ്
![](https://ikerala.in/wp-content/uploads/2024/06/IMG_college_2_1_HVC9OR8N.jpg)
കൊച്ചി: ശുചിമുറികള്ക്ക് മുന്നില് ആണ്, പെണ്, ഭിന്നലിംഗ ഭേദമില്ലാത്ത എറണാകുളം മഹാരാജ് കോളേജ്. ഇവിടുത്തെ ശുചിമുറിയില് ആണ്കുട്ടികള്ക്കും പെണ്കുട്ടികള്ക്കും ഭിന്നലിംഗക്കാര്ക്കുമെല്ലാം കയറാം.
ഇത്തരം ഏഴ് ശുചിമുറിയാണ് കോളേജിലുള്ളത്.
എഴുത്തുകാരന് രാംമോഹന് പാലിയത്ത് സമൂഹമാധ്യമത്തില് പങ്കുവച്ച പോസ്റ്റിലൂടെയാണ് ശുചിമുറികള് സോഷ്യല് മീഡിയയില് ചര്ച്ചയായത്. ജെന്ഡര് സൗഹൃദ ടോയ്ലറ്റുകള് രാജ്യത്തുതന്നെ അപൂര്വമാണ്. എന്നാല്, മഹാരാജാസിലെ കുട്ടികള്ക്ക് ഇതില് പുതുമയില്ല. വര്ഷങ്ങളായി ഇവിടെ ഇങ്ങനെയാണ്.
ഈ ശുചിമുറികളില് സങ്കോചമില്ലാതെ ആര്ക്കും കടന്നുവരാം. 57 വര്ഷത്തിനിടെ ആദ്യമായാണ് ഒരു ജെന്ഡര്സൗഹൃദ ശുചിമുറിയില് കയറുന്നതെന്ന് രാംമോഹന് പാലിയത്ത് കുറിച്ചു. അതും അഞ്ചുവര്ഷം പഠിച്ച മഹാരാജാസ് കോളേജില്.
സ്കൂളുകളില് ആണ്, പെണ് വേര്തിരിവോടെ ടോയ്ലറ്റ് ഉപയോഗിച്ച കുട്ടികള്ക്ക് മഹാരാജാസിലെ ജെന്ഡര് സൗഹൃദ ടോയ്ലറ്റ് അത്ഭുതമാണ്. ഇസ്ലാമിക് ഹിസ്റ്ററി ബ്ലോക്കില് ആദ്യ ജെന്ഡര്സൗഹൃദ ശുചിമുറികള് നിര്മിച്ചാണ് ഈ ആശയത്തിന് തുടക്കമിട്ടതെന്ന് മഹാരാജാസ് കോളേജ് പ്രിന്സിപ്പല് ഡോ. എസ് ഷാജില ബീവി പറഞ്ഞു.
2021ല് മുഖ്യമന്ത്രി പിണറായി വിജയന് പുതിയ അക്കാദമിക് ബ്ലോക്ക് ഉദ്ഘാടനം ചെയ്തപ്പോള് അതിലും രണ്ട് ജെന്ഡര്സൗഹൃദ ശുചിമുറികളുണ്ടായി. പുതിയ ഓഡിറ്റോറിയത്തില് രണ്ടെണ്ണവും ലൈബ്രറി സമുച്ചയത്തില് ഒരെണ്ണവുംകൂടി തുടര്ന്ന് നിര്മിച്ചെന്നും പ്രിന്സിപ്പല് പറഞ്ഞു.
ട്രാന്സ്ജെന്ഡര് വിദ്യാര്ഥികള്ക്ക് കലാലയങ്ങളില് പ്രവേശനം നല്കാന് 2018ല് എല്ഡിഎഫ് സര്ക്കാര് തീരുമാനിച്ചിരുന്നു. 12 ട്രാന്സ്ജെന്ഡര് വിദ്യാര്ഥികള് കോളേജിലെത്തി. സൗഹൃദപരമായ അന്തരീക്ഷത്തിലാണ് ട്രാന്സ്ജെന്ഡര് വിദ്യാര്ത്ഥികള് ഇവിടെ പഠിക്കുന്നത്.
LOCAL NEWS
കളിയിക്കാവിള കൊലപാതകം: മുഖ്യ ആസൂത്രകൻ പിടിയിൽ
![](https://ikerala.in/wp-content/uploads/2024/07/IMG_8251.jpeg)
കളിയിക്കാവിള കൊലപാതകത്തിലെ മുഖ്യ ആസൂത്രകൻ പിടിയിൽ. ഒളിവിലായിരുന്ന സുനിൽകുമാർ ആണ് പിടിയിലായത്. തിരുവനന്തപുരം പാറശാലയിൽ നിന്നാണ് ഇയാളെ പിടികൂടിയത്.സര്ജിക്കല് ഷോപ്പ് ഉടമയാണ് സുനില്കുമാര്.മുംബൈയിലേക്ക് ഒളിവില് പോകാന് ശ്രമിക്കുന്നതിനിടെയാണ് സുനില്കുമാര് തമിഴ്നാട് പ്രത്യേക സംഘത്തിന്റെ പിടിയിലായത്. പ്രതി അമ്പിളിയുടെ സുഹൃത്താണ് സുനില്കുമാര്. സുനില്കുമാറിന്റെ വാഹനം നേരത്തെ കണ്ടെത്തിയിരുന്നു. കന്യാകുമാരിയിലെ കുലശേഖരത്ത് റോഡ് സൈഡില് നിര്ത്തിയിട്ട നിലയിലാണ് കാര് കണ്ടെത്തിയത്.കളിയിക്കാവിളയില് ക്വാറി ഉടമ ദീപുവിനെയാണ് കൊലപ്പെടുത്തിയത്.
LOCAL NEWS
ശബരീനാഥന് തിരുവനന്തപുരം ഡിസിസി അധ്യക്ഷനായേക്കും
![](https://ikerala.in/wp-content/uploads/2024/06/k-s-sabarinathan.jpg)
തിരുവനന്തപുരം : യൂത്ത് കോണ്ഗ്രസ് മുന് സംസ്ഥാന ഭാരവാഹികളെ നേതൃ പദവികളിലേക്ക് പരിഗണിക്കാന് കെപിസിസി നീക്കം.
സംസ്ഥാന ഉപാധ്യക്ഷന്മാരെ കെപിസിസി ഭാരവാഹികളായി നിയമിക്കാനാണ് ധാരണ.
യുവാക്കള്ക്ക് പാര്ട്ടി പദവികളില് കൂടുതല് പരിഗണന നല്കുന്നതിന്റെ ഭാഗമായാണ് തീരുമാനം. ഇതുവഴി പാര്ട്ടിയെ കൂടുതല് ഊര്ജ്ജസ്വലമാക്കാന് കഴിയുമെന്നാണ് നേതൃത്വത്തിന്റെ വിലയിരുത്തല്.
സംസ്ഥാന ഉപാധ്യക്ഷ്യന്മാരായ കെ എസ് ശബരിനാഥന്, റിജില് മാക്കുറ്റി, റിയാസ് മൂക്കോളി, എന് എസ് നുസൂര്, എസ്എം ബാലു എന്നിവരെ ജനറല് സെക്രട്ടറിമാരായി നിയമിക്കാനാണ് കെപിസിസി ആലോചിക്കുന്നത്.
ദേശീയ സെക്രട്ടറി വിദ്യ ബാലകൃഷ്ണനും കെപിസിസി ഭാരവാഹിയാകും. കെ എസ് ശബരീനാഥനെ തിരുവനന്തപുരം ഡിസിസി അധ്യക്ഷ പദവിയിലേക്കും പരിഗണിക്കുന്നുണ്ട്.
മുന് സംസ്ഥാന ജനറല് സെക്രട്ടറിമാരേയും ജില്ലാ പ്രസിഡന്റുമാരേയും അതാത് ജില്ലാ കോണ്ഗ്രസ് കമ്മിറ്റികളില് ഭാരവാഹികളായി നിയമിച്ചു കഴിഞ്ഞു.
ഷാഫി പറമ്ബില് പ്രസിഡന്റായിരിക്കെ ഭാരവാഹികളായ യുവനേതാക്കളില് മുഴുവന് പേര്ക്കും പരിഗണന നല്കും.
പാര്ട്ടി പദവികളില് അമ്ബത് ശതമാനം യുവാക്കള്ക്കും വനിതകള്ക്കും പ്രതിനിധ്യം നല്കണമെന്ന് എഐസിസി പ്ലീനറി തീരുമാനിച്ചിരുന്നു.
LOCAL NEWS
കാറിനുള്ളിൽ കഴുത്തറുത്ത് കൊല്ലപ്പെട്ട നിലയിൽ യുവാവ്
![](https://ikerala.in/wp-content/uploads/2024/01/assam-case.jpg)
കളിയിക്കാവിള : കളിയിക്കാവിള ഒറ്റ മരത്ത് യുവാവിനെ കാറിനുള്ളിൽ കഴുത്തറുത്ത് കൊലപ്പെടുത്തിയ നിലയിൽ കണ്ടെത്തി.
ദേശീയപാത തിരുവനന്തപുരം കന്യാകുമാരി റോഡിൽ കേരള തമിഴ്നാട് അതിർത്തിയായ കളിയ്ക്കാവിളയക്ക് സമീപം ഒറ്റാമരത്താണ് കഴിഞ്ഞദിവസം രാത്രിയിൽ മഹേന്ദ്ര എക്സ്യുവി കാറിനുള്ളിൽ മൃതദേഹം കണ്ടെത്തിയത്.
രാത്രി 12 മണിയോടെയാണ് നാട്ടുകാർ കളിയിക്കാവിള പോലീസിനെ വിവരം അറിയിച്ചത്.
കാറിന്റെ മുന്നിൽ സീറ്റിലാണ് മരിച്ച നിലയിൽ കണ്ടെത്തിയത്. വാഹനത്തിന്റെ ഡ്രൈവറെ കണ്ടെത്തിയിട്ടില്ല. വാഹനത്തിന്റെ ഉടമയായ പാപ്പനംകോട് കൈമനം സ്വദേശിയായ ദീപു എസ് (44) നെയാണ് മരണപ്പെട്ട നിലയിൽ കണ്ടെത്തിയത്.
മൃതദേഹം നാഗർകോവിൽ ആശാരി പള്ളം മെഡിക്കൽ കോളേജിലേക്ക് ആശുപത്രിയിലേക്ക് മാറ്റി. സംഭവത്തിൽ കളിയിക്കാവിള പോലീസ് കേസെടുത്തു അന്വേഷണം ആരംഭിച്ചു.
-
NEWS1 year ago
ഡോക്ടർ തൂങ്ങിമരിച്ചനിലയിൽ, മരണവിവരം അറിയിക്കേണ്ടവരുടെ ലിസ്റ്റ് സമീപം
-
NEWS1 year ago
ഈ ഷോ ഞാന് ഇവിടെവച്ച് അവസാനിപ്പിക്കുകയാണ്’; ബിഗ് ബോസില് മത്സരാര്ഥികളെ ഞെട്ടിച്ച് മോഹന്ലാല്
-
NEWS1 year ago
എലത്തൂർ ട്രെയിൻ തീവെപ്പ് കേസിലെ പ്രതി ഷാരൂഖ് സെയ്ഫി റിമാൻഡിൽ
-
NEWS11 months ago
പത്താം ക്ലാസ് പാസ്സായവര്ക്ക് നിരവധി ജോലി ഒഴിവുകളുമായി തപാല് വകുപ്പ്
-
NEWS12 months ago
മുൻ മുഖ്യമന്ത്രി ഉമ്മൻചാണ്ടി അന്തരിച്ചു
-
NEWS11 months ago
വക്കം പുരുഷോത്തമന് അന്തരിച്ചു
-
NEWS9 months ago
കാലാവസ്ഥ അതിശക്തമായതിനാൽ പ്രൊഫഷണൽ കോളജുകളടക്കം വിദ്യാഭ്യാസ സ്ഥാപനങ്ങൾക്ക് നാളെ അവധി
-
NEWS1 year ago
നടന് കൊല്ലം സുധി വാഹനാപകടത്തില് മരിച്ചു; കറിലുണ്ടായിരുന്ന മറ്റു തരങ്ങൾക്ക് പരിക്ക്