മ്യൂണിക്: സഹതാരത്തോട് മോശമായി പെരുമാറിയ സാദിയോ മാനേയെ ബയേൺ മ്യൂണിക്ക് ഒഴിവാക്കുന്നു. ഈ സീസൺ അവസാനം മാനേയെ വിൽക്കാനാണ് ബയേണിന്റെ തീരുമാനം. ബാഴ്സലോണയിലേക്ക് ചേക്കേറിയ റോബർട്ട് ലെവൻഡോവ്സ്കിയുടെ പകരക്കാരനായി ബയേൺ മ്യൂണിക്ക് സ്വന്തമാക്കിയ താരമാണ് സാദിയോ മാനേ. ലിവർപൂളിൽ ഗോളടിച്ച് കൂട്ടിയ സെനഗൽ നായകന് ഈ മികവ് ബയേണിൽ ആവർത്തിക്കാനായില്ല. ഇതിനിടെയാണ് വിവാദ സംഭവം ഉണ്ടായത്.
