വെള്ളാപ്പള്ളി നടേശന് പത്മഭൂഷൺ നൽകുന്നതിനെതിരെ ഹർജി; കേന്ദ്രത്തിന്റെ നിലപാട് തേടി കോടതി
കൊച്ചി: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന് പത്മഭൂഷൺ പുരസ്കാരം നൽകുന്നതിനെതിരെ കോടതിയിൽ ഹർജി. പുരസ്കാര പ്രഖ്യാപനം നിയമവിരുദ്ധമാണെന്നും അത് തടയണമെന്നുമാവശ്യപ്പെട്ട് ശ്രീനാരായണ ധർമ്മ പ്രബോധന ട്രസ്റ്റ് ആണ് കോടതിയെ സമീപിച്ചത്. വെള്ളാപ്പള്ളി നടേശനെതിരെ നിലനിൽക്കുന്ന നിരവധി ക്രിമിനൽ കേസുകൾ ചൂണ്ടിക്കാട്ടിയാണ് ഹർജി നൽകിയിരിക്കുന്നത്. ആത്മഹത്യ പ്രേരണ, അഴിമതി തുടങ്ങിയ ഗുരുതരമായ കേസുകളിൽ പ്രതിയായ ഒരാൾക്ക് രാജ്യം ആദരിക്കുന്ന പത്മ പുരസ്കാരം നൽകുന്നത് തെറ്റായ കീഴ്വഴക്കമാണെന്ന് ഹർജിക്കാർ വാദിക്കുന്നു. ഇക്കാര്യങ്ങൾ പരിശോധിക്കുന്നതിൽ കേന്ദ്ര സർക്കാരിന് വീഴ്ച…