ഇസ്രായേലിൽ മലയാളി യുവാവ് മരിച്ചു; മരിച്ചത് കല്ലമ്പലം സ്വദേശി സുരേഷ്
തിരുവനന്തപുരം: ഇസ്രായേലിലെ ടെൽ അവീവിൽ നിർമ്മാണ തൊഴിലാളിയായി ജോലി ചെയ്തിരുന്ന മലയാളി യുവാവ് മരിച്ചു. കല്ലമ്പലം ചെമ്മരുതി ഗുരുമുക്ക് സ്വദേശി സുരേഷ് (42) ആണ് മരിച്ചത്. സുരേഷിന്റെ മരണവാർത്ത ഇസ്രായേലിലുള്ള സുഹൃത്തുക്കളാണ് നാട്ടിലെ ബന്ധുക്കളെ അറിയിച്ചത്. എന്നാൽ മരണകാരണം സംബന്ധിച്ച കൃത്യമായ വിവരങ്ങൾ ഇതുവരെ ലഭ്യമായിട്ടില്ല. മരണത്തിന് തൊട്ടുമുമ്പ് സുരേഷ് അയച്ച ശബ്ദസന്ദേശത്തിൽ പ്രദേശത്തെ ഭീകരാന്തരീക്ഷത്തെക്കുറിച്ച് സൂചിപ്പിച്ചിരുന്നു. താമസസ്ഥലത്തിന് പുറത്ത് ബോംബിംഗ് നടക്കുന്നുണ്ടെന്നും പച്ചക്കറികൾ വാങ്ങാനായി താൻ പുറത്തേക്ക് പോവുകയാണെന്നുമാണ് ബന്ധുക്കൾക്ക് ലഭിച്ച അവസാന സന്ദേശത്തിൽ പറയുന്നത്….
