ന്യൂഡൽഹി: രാജ്യത്ത് വാണിജ്യാവശ്യങ്ങൾക്കുള്ള പാചകവാതക സിലിണ്ടറുകളുടെ വില എണ്ണക്കമ്പനികൾ വർദ്ധിപ്പിച്ചു. സിലിണ്ടറിന് 29 രൂപയാണ് പുതുതായി വർദ്ധിപ്പിച്ചത്. ഇതോടെ വാണിജ്യ സിലിണ്ടറുകളുടെ പരിഷ്കരിച്ച വില 1776 രൂപയായി ഉയർന്നു.
എല്ലാ മാസവും ഒന്നാം തീയതി വാണിജ്യ സിലിണ്ടറുകളുടെ വിലയിൽ എണ്ണക്കമ്പനികൾ വരുത്താറുള്ള പതിവ് മാറ്റത്തിന്റെ ഭാഗമായാണ് ഈ നടപടി.അതേസമയം, സാധാരണക്കാർക്ക് ആശ്വാസമായി ഗാർഹിക ആവശ്യങ്ങൾക്കുള്ള പാചകവാതക സിലിണ്ടറുകളുടെ വിലയിൽ ഇത്തവണ മാറ്റം വരുത്തിയിട്ടില്ല.
വാണിജ്യ സിലിണ്ടറുകളുടെ വില വർദ്ധനവ് ഹോട്ടൽ, റെസ്റ്റോറന്റ് മേഖലകളിൽ ചിലവുകൾ കൂടാൻ കാരണമായേക്കും.
