അയിഷാ പോറ്റിക്കുനേരെ അസഭ്യവർഷം: രണ്ട് സി.പി.എം പ്രവർത്തകർക്കെതിരെ കേസെടുത്തു
കൊല്ലം: കരീപ്ര പഞ്ചായത്തിൽ നടന്ന തിരഞ്ഞെടുപ്പ് പ്രചാരണത്തിനിടെ യു.ഡി.എഫ് സ്ഥാനാർഥി അയിഷാ പോറ്റിക്കുനേരെ അസഭ്യവർഷം നടത്തുകയും സ്വീകരണം തടസ്സപ്പെടുത്താൻ ശ്രമിക്കുകയും ചെയ്ത രണ്ട് സി.പി.എം പ്രവർത്തകർക്കെതിരെ പോലീസ് കേസെടുത്തു. കുഴിമതിക്കാട് സ്വദേശി പ്രസാദ്, ചൂരപ്പൊയ്ക സ്വദേശി സതീഷ് എന്നിവർക്കെതിരെയാണ് എഴുകോൺ പോലീസ് നടപടിയെടുത്തത്. കഴിഞ്ഞ ഞായറാഴ്ച ഉച്ചയ്ക്ക് ചൂരപ്പൊയ്കയിൽ വെച്ചായിരുന്നു സംഭവം. പ്രചാരണ വാഹനത്തിൽ സ്ഥാനാർഥി എത്തിയപ്പോൾ റോഡരികിൽ നിന്നിരുന്ന പ്രതികൾ വാഹനം തടയാൻ ശ്രമിക്കുകയും ‘വഞ്ചന കാട്ടിയതല്ലേ’ എന്ന് ചോദിച്ച് അധിക്ഷേപിക്കുകയുമായിരുന്നു. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ…