പൊതുപണിമുടക്ക്: ഫെബ്രുവരി 12-ലെ പിഎസ്സി പരീക്ഷ മാറ്റി
തിരുവനന്തപുരം : പൊതുപണിമുടക്കിന്റെ പശ്ചാത്തലത്തിൽ ഫെബ്രുവരി 12-ന് നടത്താനിരുന്ന കേരള പിഎസ്സി ഓൺലൈൻ പരീക്ഷ മാറ്റിവെച്ചു. ഇൻഡസ്ട്രിയൽ ട്രെയിനിംഗ് വകുപ്പിലെ ജൂനിയർ ഇൻസ്ട്രക്ടർ തസ്തികയിലേക്കുള്ള പരീക്ഷയാണ് ഇപ്പോൾ ഫെബ്രുവരി 21-ലേക്ക് മാറ്റി നിശ്ചയിച്ചിരിക്കുന്നത്. പരീക്ഷാ തീയതിയിൽ മാറ്റമുണ്ടെങ്കിലും സമയത്തിലോ പരീക്ഷാ കേന്ദ്രങ്ങളിലോ യാതൊരു മാറ്റവുമുണ്ടാകില്ലെന്ന് അധികൃതർ അറിയിച്ചു. ഉദ്യോഗാർത്ഥികൾ നേരത്തെ ഡൗൺലോഡ് ചെയ്ത പഴയ അഡ്മിഷൻ ടിക്കറ്റുമായി തന്നെ നിശ്ചയിച്ച കേന്ദ്രങ്ങളിൽ ഹാജരാകേണ്ടതാണ്.