വ്രതപുണ്യത്തിന്റെ നിറവിൽ ഇന്ന് ചെറിയ പെരുന്നാൾ; വിശ്വാസികൾ ആഘോഷലഹരിയിൽ
കോഴിക്കോട്: ഒരു മാസം നീണ്ടുനിന്ന വിശുദ്ധ റമദാൻ വ്രതാനുഷ്ഠാനങ്ങൾ പൂർത്തിയാക്കി സംസ്ഥാനത്തെ വിശ്വാസികൾ ഇന്ന് ചെറിയ പെരുന്നാൾ (ഈദുൽ ഫിത്തർ) ആഘോഷിക്കുന്നു. ശവ്വാൽ മാസപ്പിറവി ദൃശ്യമായതോടെ നാടെങ്ങും ആഘോഷലഹരിയിലാണ്. വിവിധയിടങ്ങളിൽ ഒരുക്കിയ ഈദ്ഗാഹുകളിലും പള്ളികളിലും പ്രത്യേക പെരുന്നാൾ നമസ്കാരം നടക്കും. പരസ്പര സ്നേഹവും സാഹോദര്യവും പുതുക്കുന്ന ഈ ദിനത്തിൽ, പെരുന്നാൾ നമസ്കാരത്തിന് ശേഷം ബന്ധുവീടുകൾ സന്ദർശിക്കാനും സുഹൃത്തുക്കളുമായി സന്തോഷം പങ്കിടാനുമുള്ള തിരക്കിലാണ് വിശ്വാസികൾ. പശ്ചിമേഷ്യയിലെ യുദ്ധസാഹചര്യങ്ങളുടെ പശ്ചാത്തലത്തിൽ, ലോകസമാധാനത്തിനായി പ്രാർത്ഥിക്കണമെന്ന് പാണക്കാട് സാദിഖലി ശിഹാബ് തങ്ങളും പാളയം…