മണിമലയിൽ കെഎസ്ആർടിസി ബസ് കത്തിനശിച്ചു; 28 യാത്രക്കാർ അത്ഭുതകരമായി രക്ഷപ്പെട്ടു
കോട്ടയം മണിമല പഴയിടത്തിന് സമീപം കെഎസ്ആർടിസി ബസ് കത്തിനശിച്ചു. മലപ്പുറത്തുനിന്ന് ഗവിയിലേക്ക് ഉല്ലാസയാത്ര പോയ ബസിനാണ് തീപിടിച്ചത്. യാത്രയ്ക്കിടെ ബസിൽ നിന്ന് പുക ഉയരുന്നത് ശ്രദ്ധയിൽപ്പെട്ട ഡ്രൈവർ ഉടൻതന്നെ വാഹനം നിർത്തുകയും യാത്രക്കാരെ സുരക്ഷിതമായി പുറത്തിറക്കുകയും ചെയ്തതിനാൽ വൻ ദുരന്തം ഒഴിവായി.ബസിലുണ്ടായിരുന്ന 28 യാത്രക്കാരും പരിക്കേൽക്കാതെ രക്ഷപ്പെട്ടു. വിവരമറിഞ്ഞ് കാഞ്ഞിരപ്പള്ളിയിൽ നിന്നെത്തിയ ഫയർ ഫോഴ്സ് യൂണിറ്റാണ് തീ പൂർണ്ണമായും അണച്ചത്. എങ്കിലും ബസ് പൂർണ്ണമായും കത്തിയമർന്നു. അധികൃതരുടെ സമയോചിതമായ ഇടപെടൽ അപകടത്തിന്റെ ആഘാതം കുറച്ചു. തുടർന്ന് പൊൻകുന്നം…
