Tag: malayalamnews

തിരുവനന്തപുരം : റോഡരികിൽ കാറിടിച്ച് വഴിയാത്രക്കാരനായ രാജൻ (59) മരിച്ച കേസിൽ, പ്രതിയായ പാറശാല എസ്.എച്ച്.ഒ. പി. അനിൽകുമാറിൻ്റെ മുൻകൂർ ജാമ്യാപേക്ഷ കോടതി തള്ളി. തിരുവനന്തപുരം ആറാം അഡീഷണൽ സെഷൻസ് ജഡ്ജി ആർ. രേഖയാണ് ജാമ്യാപേക്ഷ തള്ളിയത്. പ്രതിക്ക് ജാമ്യം ലഭിക്കാവുന്ന വകുപ്പുകളാണ് ചുമത്തിയിട്ടുള്ളതെന്നും, അതിനാൽ മുൻകൂർ ജാമ്യഹർജിയുടെ ആവശ്യമില്ലെന്നും കോടതി ചൂണ്ടിക്കാട്ടി. അപകടം നടന്നയുടൻ കിളിമാനൂർ സ്റ്റേഷനിൽ വിവരം അറിയിക്കാതെ പോയത് ഗുരുതരമായ വീഴ്ചയാണെന്ന് വകുപ്പുതല അന്വേഷണത്തിൽ കണ്ടെത്തിയിരുന്നു. ഇതിനെത്തുടർന്ന് അനിൽകുമാറിനെ സസ്പെൻഡ് ചെയ്തിരുന്നു. നിലവിൽ…

മലപ്പുറം മുണ്ടുപറമ്പിലെ കൺസ്യൂമർഫെഡ് വിദേശ മദ്യവില്പനശാലയിൽ വിജിലൻസ് സംഘം മിന്നൽ പരിശോധന നടത്തി. കൈക്കൂലി വാങ്ങുന്നുവെന്ന രഹസ്യവിവരത്തെ തുടർന്നാണ് പരിശോധന നടത്തിയത്. പരിശോധനയിൽ കണക്കിൽപ്പെടാത്ത 43,430 രൂപ പിടിച്ചെടുത്തു. മദ്യക്കമ്പനികളുടെ ഏജന്റുമാരിൽ നിന്ന് മദ്യശാലയിലെ ചില ഉദ്യോഗസ്ഥർ കൈക്കൂലി വാങ്ങുന്നതായി വിജിലൻസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് റെയ്ഡ് നടന്നത്. പിടിച്ചെടുത്ത പണം ഉദ്യോഗസ്ഥരിൽ നിന്നാണെന്നും, സംഭവത്തിൽ അന്വേഷണം തുടരുമെന്നും വിജിലൻസ് സംഘം അറിയിച്ചു.