ശബരിമല സ്വർണ്ണക്കൊള്ള: ഉണ്ണികൃഷ്ണൻ പോറ്റി കസ്റ്റഡിയിൽ. ചോദ്യം ചെയ്യൽ രഹസ്യകേന്ദ്രത്തിൽ
തിരുവനന്തപുരം: ശബരിമല സ്വർണ്ണക്കൊള്ളക്കേസുമായി ബന്ധപ്പെട്ട് ഉണ്ണികൃഷ്ണൻ പോറ്റിയെ കസ്റ്റഡിയിലെടുത്തതായി സൂചന. പ്രത്യേക അന്വേഷണ സംഘം വീട്ടിലെത്തിയാണ് ഇയാളെ കസ്റ്റഡിയിലെടുത്തത്. നിലവിൽ രഹസ്യകേന്ദ്രത്തിൽ ചോദ്യം ചെയ്യൽ നടക്കുകയാണ്. എന്നാൽ, അറസ്റ്റ് രേഖപ്പെടുത്തിയിട്ടുണ്ടോ എന്നതടക്കമുള്ള വിവരങ്ങൾ ഇതുവരെ പുറത്തുവന്നിട്ടില്ല. കേസ് പുറത്തുവന്നതിന് ശേഷം ദേവസ്വം വിജിലൻസ് ഉണ്ണിക്കൃഷ്ണൻ പോറ്റിയെ പലതവണ ചോദ്യം ചെയ്തിരുന്നു. സ്വർണ്ണക്കൊള്ള പുറത്തുവന്ന് ദിവസങ്ങൾ പിന്നിടുമ്പോളാണ് പോറ്റിയെ കസ്റ്റഡിയിലെടുക്കുന്നത്.
