ശബരിമല: അനിഷ്ട സംഭവങ്ങള്‍ ഉണ്ടായാല്‍ ക്ഷമിക്കില്ല; പൊലീസിനും ദേവസ്വത്തിനും ഹൈക്കോടതിയുടെ മുന്നറിയിപ്പ്
ശബരിമലയിലെ അനിയന്ത്രിതമായ തിരക്ക് പരിഗണിച്ച്, തീർത്ഥാടകരുടെ സുരക്ഷ ഉറപ്പാക്കുന്നതിൽ വീഴ്ച വരുത്തിയാൽ ക്ഷമിക്കില്ലെന്ന് ഹൈക്കോടതി ദേവസ്വം ബെഞ്ച് പൊലീസിനും തിരുവിതാംകൂര്‍ ദേവസ്വം ബോര്‍ഡിനും കര്‍ശന മുന്നറിയിപ്പ് നല്‍കി. ലക്ഷക്കണക്കിന് ഭക്തർ എത്തുന്ന സാഹചര്യത്തിൽ അനിഷ്ട സംഭവങ്ങൾ ഒഴിവാക്കാൻ ജാഗ്രത പാലിക്കണമെന്നും, തിരക്ക് നിയന്ത്രിക്കുന്നതിനായി വെർച്വൽ ക്യൂ ബുക്കിംഗ് രേഖകൾ പമ്പയിൽ വെച്ചുതന്നെ കർശനമായി പരിശോധിക്കണമെന്നും കോടതി നിർദ്ദേശിച്ചു. പാസിലെ തീയതിയും സമയവും കൃത്യമല്ലെങ്കിലോ, വ്യാജ പാസുമായി വരുന്നവരോ ആണെങ്കിൽ അവരെ സന്നിധാനത്തേക്ക് കടത്തിവിടരുതെന്നും കോടതി വ്യക്തമാക്കി.