സീറ്റ് വിഭജനം അന്തിമമാക്കാൻ ഇടതുമുന്നണി യോഗം ഇന്ന്; കേരള കോൺഗ്രസ് നിലപാട് നിർണ്ണായകം
തിരുവനന്തപുരം: സീറ്റ് വിഭജനം സംബന്ധിച്ച അന്തിമ തീരുമാനമെടുക്കാൻ ഇടതുമുന്നണിയുടെ നിർണായക യോഗം ഇന്ന് തിരുവനന്തപുരത്ത് ചേരും. ഉച്ചയ്ക്ക് മൂന്ന് മണിക്ക് എകെജി സെന്ററിൽ നടക്കുന്ന യോഗത്തിൽ, ഘടകകക്ഷികളുമായി നടത്തിയ ഉഭയകക്ഷി ചർച്ചകളിലെ ധാരണകൾ സിപിഎം വിശദീകരിക്കും. 13 സീറ്റുകൾ വേണമെന്ന കേരള കോൺഗ്രസ് എമ്മിന്റെ കടുംപിടുത്തവും, ഐഎൻഎല്ലിലെ ആഭ്യന്തര തർക്കങ്ങളും മുന്നണിക്ക് മുന്നിൽ വലിയ വെല്ലുവിളിയാണ് ഉയർത്തുന്നത്. കേരള കോൺഗ്രസിന് 12 സീറ്റുകൾ നൽകാൻ സിപിഎം തയ്യാറാണെങ്കിലും കുറ്റ്യാടി സീറ്റ് വിട്ടുനൽകില്ലെന്ന നിലപാടിലാണ് പാർട്ടി. പതിമൂന്നാം സീറ്റിനായി…