കോഴിക്കോട്ട് ഷിഗല്ല മരണം: മൂന്നര വയസ്സുകാരി മരിച്ചു; അങ്കണവാടിയിലെ മൂന്ന് കുട്ടികൾക്കും രോഗലക്ഷണം
കോഴിക്കോട് ഷിഗല്ല ബാധയെത്തുടർന്ന് മൂന്നര വയസ്സുകാരി മരിച്ച സംഭവം പ്രദേശവാസികൾക്കിടയിൽ വലിയ ആശങ്കയുണ്ടാക്കുന്നു. കുറ്റിക്കാട്ടൂർ ആനക്കുഴിക്കര സ്വദേശിയായ ഈ പെൺകുട്ടി കഴിഞ്ഞ ഞായറാഴ്ചയാണ് മരണപ്പെട്ടതെങ്കിലും പരിശോധനാ ഫലങ്ങൾ പുറത്തുവന്നത് ഇന്നാണ്. ഈ കുട്ടിയോടൊപ്പം അങ്കണവാടിയിൽ പഠിക്കുന്ന മറ്റ് മൂന്ന് കുട്ടികൾക്കും രോഗലക്ഷണങ്ങൾ കണ്ടെത്തിയിട്ടുണ്ട്. ഇതിൽ ഒരാളെ കോഴിക്കോട് മെഡിക്കൽ കോളേജിലും മറ്റ് രണ്ട് പേരെ സ്വകാര്യ മെഡിക്കൽ കോളേജിലും പ്രവേശിപ്പിച്ചു. നിലവിൽ ആനക്കുഴിക്കര ഭാഗത്ത് അഞ്ചോളം പേർക്ക് സമാനമായ ലക്ഷണങ്ങളുണ്ട്.വയറിളക്കം, പനി, വയറുവേദന, ഛർദ്ദി, ക്ഷീണം, മലത്തോടൊപ്പം…