ഒമാനിൽ മിന്നൽ പ്രളയം: രണ്ട് മലയാളികൾ മരിച്ചു, ഒരാളെ കാണാതായി; പ്രധാനമന്ത്രിയുടെ ഇടപെടൽ തേടി വി.ഡി സതീശൻ
ഒമാനിലെ അൽ ബാത്തിന ഗവർണറേറ്റിലുണ്ടായ പെട്ടെന്നുള്ള വെള്ളപ്പൊക്കത്തിൽ മലയാളികൾ സഞ്ചരിച്ചിരുന്ന വാഹനം അകപ്പെടുകയായിരുന്നു. ശനിയാഴ്ച നടന്ന ഈ അപകടത്തിൽ പാലക്കാട് തൃത്താല സ്വദേശികളായ യൂസഫ്, ഷംല എന്നിവരാണ് മരിച്ചത്. ഇവർക്കൊപ്പം ഉണ്ടായിരുന്ന തൃത്താല സ്വദേശിനി റംലയെ ഇതുവരെ കണ്ടെത്താനായിട്ടില്ല. കാണാതായവർക്കായി ഒമാൻ അധികൃതർ തിരച്ചിൽ ഊർജിതമാക്കിയിട്ടുണ്ട്. മസ്കറ്റിന്റെ വിവിധ ഭാഗങ്ങളിലും അൽ ബാത്തിന തീരത്തും പ്രളയം രൂക്ഷമായതിനെത്തുടർന്ന് ഗതാഗതം പൂർണ്ണമായും തടസ്സപ്പെട്ട നിലയിലാണ്. സംഭവത്തിൽ അഗാധമായ ദുഃഖം രേഖപ്പെടുത്തിയ പ്രതിപക്ഷ നേതാവ് വി.ഡി. സതീശൻ, രക്ഷാപ്രവർത്തനം വേഗത്തിലാക്കാൻ…