കൊച്ചി: നടൻ ദുൽഖർ സൽമാന്റെ വാഹനം വിട്ടുകൊടുക്കാൻ കസ്റ്റംസ് തീരുമാനം. ‘ഓപ്പറേഷൻ നുംഖോറി’യുടെ ഭാഗമായി പിടിച്ചെടുത്ത ലാൻഡ് റോവർ ഡിഫൻഡർ ബാങ്ക് ഗ്യാരന്റിയുടെ അടിസ്ഥാനത്തിൽ വിട്ടുകൊടുക്കും. ചില നിബന്ധനകൾക്ക് വിധേയമായാകും വാഹനം വിട്ടുനൽകുക. കസ്റ്റംസ് അഡീഷണൽ കമ്മീഷണറാണ് ഇതുസംബന്ധിച്ച ഉത്തരവിറക്കിയത്.ഭൂട്ടാനിൽ നിന്നുള്ള വാഹനക്കടത്തുമായി ബന്ധപ്പെട്ട് നടത്തിയ റെയ്ഡിലാണ് ഡിഫൻഡറിനൊപ്പം ലാൻഡ് ക്രൂയിസർ, നിസ്സാൻ പട്രോൾ തുടങ്ങിയ വാഹനങ്ങളും കസ്റ്റംസ് പിടിച്ചെടുത്തത്. തന്റെ വാഹനം വിട്ടുകിട്ടണമെന്ന് ആവശ്യപ്പെട്ട് ദുൽഖർ കോടതിയെ സമീപിച്ചിരുന്നു. കേസിൽ കസ്റ്റംസ് നടനെതിരെ ഹൈക്കോടതിയിൽ ഗുരുതര ആരോപണങ്ങൾ ഉന്നയിച്ചെങ്കിലും, വാഹനം ഉടമയ്ക്ക് വിട്ടുനൽകണമെന്ന് ഹൈക്കോടതി ഇടക്കാല ഉത്തരവിൽ നിർദേശിച്ചിരുന്നു.ഇതുമായി ബന്ധപ്പെട്ട്, എൻഫോഴ്സ്മെന്റ് ഡയറക്ടറേറ്റ് (ഇ.ഡി) ഇവരുടെ വീടുകളിലും കാർ ഡീലർമാരുടെ ഓഫീസുകളിലും ദുൽഖറിന്റെ നിർമ്മാണ കമ്പനിയായ വേഫെറർ ഫിലിംസിലും പരിശോധന നടത്തി രേഖകൾ പിടിച്ചെടുത്തിട്ടുണ്ട്.
ദുൽഖർ സൽമാന്റെ ഡിഫൻഡർ വിട്ടുകൊടുക്കാൻ കസ്റ്റംസ് ഉത്തരവ്
