തീവ്രമായ വിലയിടിവ്: സ്വര്‍ണവില കുത്തനെ താഴോട്ട്

റെക്കോഡുകള്‍ ഭേദിച്ച് മുന്നേറിക്കൊണ്ടിരുന്ന സ്വര്‍ണവില കുത്തനെ ഇടിഞ്ഞു. ഇന്ന് ഗ്രാമിന് 170 രൂപയും പവന് 1360 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വര്‍ണത്തിന് 11,210 രൂപയും ഒരു പവന്‍ സ്വര്‍ണത്തിന് 89,680 രൂപയുമായി നിലവിലെ വില.​വിലയിടിവിന് പിന്നിൽ​ഇസ്രാഈല്‍-ഹമാസ് സമാധാന കരാറിനെ തുടര്‍ന്ന് അന്താരാഷ്ട്ര വിപണിയില്‍ സ്വര്‍ണവില കുത്തനെ ഇടിഞ്ഞതാണ് കേരളത്തിലും വില കുറയാന്‍ പ്രധാന കാരണം. അന്താരാഷ്ട്ര സ്വര്‍ണ്ണവില ട്രോയ് ഔണ്‍സിന് ഏകദേശം 100 ഡോളറോളം ഇടിഞ്ഞ് 3,957.3 ഡോളറിലാണ് ഇപ്പോൾ വ്യാപാരം നടക്കുന്നത്. ഇന്നലെ ഇത് 4058-60 ഡോളര്‍ വരെ എത്തിയിരുന്നു.​കഴിഞ്ഞ ദിവസത്തെ വിലനിലവാരം​ഇന്നലെ ഗ്രാമിന് 20 രൂപ വര്‍ധിച്ച് 11,380 രൂപയും പവന് 160 രൂപ വര്‍ധിച്ച് 91,040 രൂപയുമായിരുന്നു.​കഴിഞ്ഞ ദിവസം രാവിലെ 90,000 രൂപ കടന്ന സ്വര്‍ണവിലയില്‍ ഉച്ചയ്ക്കു ശേഷം വീണ്ടും കുതിച്ചുചാട്ടമുണ്ടായി.​ഉച്ചയ്ക്കു ശേഷമുള്ള വ്യാപാരത്തിൽ ഗ്രാമിന് 70 രൂപ വര്‍ധിച്ച് 11,360 രൂപയും പവന്‍ വില 90,880 രൂപയായും ഉയര്‍ന്നിരുന്നു.