ടി20 ലോകകപ്പിലെ ഗ്ലാമർ പോരാട്ടത്തിൽ ഇന്ന് ഇന്ത്യ ഇംഗ്ലണ്ടിനെ നേരിടുന്നു. മുംബൈയിലെ ഐതിഹാസികമായ വാംഖഡെ സ്റ്റേഡിയത്തിൽ ഇന്ത്യൻ സമയം രാത്രി ഏഴ് മണിയോടെയാണ് കലാശപ്പോരിലേക്കുള്ള ടിക്കറ്റിനായുള്ള ഈ സെമി ഫൈനൽ പോരാട്ടം ആരംഭിക്കുന്നത്. കഴിഞ്ഞ തവണത്തെ ചാമ്പ്യന്മാരായ ഇന്ത്യ കിരീടം നിലനിർത്താൻ ലക്ഷ്യമിടുമ്പോൾ, കരുത്തരായ ഇംഗ്ലണ്ട് കപ്പ് തിരിച്ചുപിടിക്കാനാണ് ഇന്നിറങ്ങുന്നത്. ഫൈനലിൽ ദക്ഷിണാഫ്രിക്കയെ തകർത്തെത്തിയ ന്യൂസിലൻഡാണ് ഇന്നത്തെ വിജയികളെ കാത്തിരിക്കുന്നത്.സൂപ്പർ 8 ഘട്ടത്തിൽ വെസ്റ്റ് ഇൻഡീസിനെതിരായ നിർണായക മത്സരത്തിൽ 97 റൺസെടുത്ത് പുറത്താകാതെ നിന്ന മലയാളി താരം സഞ്ജു സാംസണിലാണ് ആരാധകരുടെ വലിയ പ്രതീക്ഷ. ക്യാപ്റ്റൻ സൂര്യകുമാർ യാദവിനൊപ്പം ഇഷാൻ കിഷൻ, ഹാർദിക് പാണ്ഡ്യ എന്നിവരും ബാറ്റിങ്ങിൽ മികച്ച ഫോമിലാണ്. ബൗളിങ്ങിൽ ജസ്പ്രീത് ബുമ്രയും വരുൺ ചക്രവർത്തിയും ടീമിന് കരുത്തേകുന്നു. മറുവശത്ത് ഹാരി ബ്രൂക്കിന് കീഴിലിറങ്ങുന്ന ഇംഗ്ലണ്ട് സൂപ്പർ 8 ലെ തങ്ങളുടെ എല്ലാ മത്സരങ്ങളും ജയിച്ച ആത്മവിശ്വാസത്തിലാണ്. സ്റ്റാർ സ്പോർട്സ് നെറ്റ് വർക്കിലും ജിയോ ഹോട്ട്സ്റ്റാറിലും മത്സരം തത്സമയം കാണാൻ സാധിക്കും.
ഫൈനൽ ലക്ഷ്യം; ഇംഗ്ലണ്ടിനെ നേരിടാൻ സൂര്യകുമാറും സഞ്ജുവും ഇന്നിറങ്ങും
