ഇറാൻ യുദ്ധക്കപ്പലായ ‘ദേന’യെ ഇന്ത്യൻ മഹാസമുദ്രത്തിൽ വെച്ച് അമേരിക്കൻ അന്തർവാഹിനി ആക്രമിച്ചതിന് പിന്നാലെ, പേർഷ്യൻ ഗൾഫിൽ യുഎസ് എണ്ണക്കപ്പൽ ആക്രമിച്ച് ഇറാൻ തിരിച്ചടിച്ചു. തങ്ങളുടെ കപ്പൽ തകർത്തതിന് പ്രതികാരം ചെയ്യുമെന്ന് ഇറാൻ മുന്നറിയിപ്പ് നൽകി മണിക്കൂറുകൾക്കകമാണ് ഇസ്ലാമിക് റവല്യൂഷണറി ഗാർഡ് ഈ ആക്രമണം നടത്തിയത്. മിസൈൽ ആക്രമണത്തെത്തുടർന്ന് എണ്ണക്കപ്പലിന് തീപിടിച്ചതായി ഇറാന്റെ മെഹർ ന്യൂസ് ഏജൻസി റിപ്പോർട്ട് ചെയ്തു.കുവൈത്ത് തീരത്തെ മുബാരക് അൽ കബീറിൽ നിന്ന് 30 നോട്ടിക്കൽ മൈൽ അകലെയാണ് സ്ഫോടനമുണ്ടായത്. ആക്രമണത്തെത്തുടർന്ന് ചരക്കു കപ്പലിൽ നിന്ന് എണ്ണ കടലിൽ പരന്നതായും കപ്പലിലേക്ക് വെള്ളം കയറുന്നതായും റിപ്പോർട്ടുകളുണ്ട്. എന്നാൽ കപ്പലിലെ ജീവനക്കാർ സുരക്ഷിതരാണെന്നാണ് വിവരം. ഈ സംഭവത്തിൽ അമേരിക്കൻ സർക്കാർ ഇതുവരെ ഔദ്യോഗികമായി പ്രതികരിച്ചിട്ടില്ല.
പകരം വീട്ടി ഇറാൻ: ഇന്ത്യൻ മഹാസമുദ്രത്തിലെ ആക്രമണത്തിന് പിന്നാലെ യുഎസ് എണ്ണക്കപ്പൽ തകർത്തു
