തിരുവനന്തപുരം: ബസുകളിലടക്കമുള്ള എയർ ഹോണുകൾക്കെതിരെ ഗതാഗത മന്ത്രി കർശന നടപടിക്ക് ഉത്തരവിട്ടു. എയർ ഹോണുകൾ പിടിച്ചെടുക്കുന്നതിനായി ഒരു പ്രത്യേക പരിശോധനാ യജ്ഞം (സ്പെഷ്യൽ ഡ്രൈവ്) നടത്താൻ നിർദ്ദേശം നൽകിയിട്ടുണ്ട്.ഈ സ്പെഷ്യൽ ഡ്രൈവിനായുള്ള ഉത്തരവിൽ അൽപ്പം കടുപ്പമേറിയ നിർദ്ദേശങ്ങളാണുള്ളത്:പിടിച്ചെടുത്ത എയർ ഹോണുകൾ മാധ്യമങ്ങൾക്ക് മുമ്പിൽ പ്രദർശിപ്പിക്കണം.അതിനുശേഷം അവ റോഡ് റോളർ കയറ്റി നശിപ്പിക്കണം.വാഹനങ്ങളിലെ എയർ ഹോണുകൾ പിടിച്ചെടുക്കാനുള്ള ഈ പ്രത്യേക പരിശോധന ഈ മാസം 13 മുതൽ 19 വരെ നടപ്പാക്കാനാണ് മന്ത്രി നിർദ്ദേശം നൽകിയിരിക്കുന്നത്.
എയർ ഹോണുകൾക്ക് കർശന നടപടി; ഹോണുകൾ റോഡ് റോളര്‍ കയറ്റി നശിപ്പിക്കും
