ഇസ്രായേൽ-ഇറാൻ സംഘർഷം: രണ്ടാഴ്ചത്തെ വെടിനിർത്തലിന് ധാരണ; ഹോർമുസ് കടലിടുക്ക് തുറക്കും
അമേരിക്കൻ പ്രസിഡന്റ് ഡൊണാൾഡ് ട്രംപ് മുന്നോട്ടുവെച്ച രണ്ടാഴ്ചത്തെ വെടിനിർത്തൽ കരാർ ഇറാൻ ഔദ്യോഗികമായി അംഗീകരിച്ചു. പാകിസ്ഥാന്റെ മധ്യസ്ഥതയിൽ നടന്ന ചർച്ചകൾക്കൊടുവിലാണ് പശ്ചിമേഷ്യയിൽ താൽക്കാലിക സമാധാനത്തിന് വഴിതുറന്നത്. ഇറാൻ വിദേശകാര്യമന്ത്രി അബ്ബാസ് അരാഗ്ചിയാണ് ഇക്കാര്യം വ്യക്തമാക്കിയത്. ഇറാന് നേരെയുള്ള ആക്രമണങ്ങൾ അവസാനിപ്പിക്കുകയാണെങ്കിൽ തങ്ങളുടെ സായുധ സേനയും പ്രതിരോധ പ്രവർത്തനങ്ങൾ നിർത്തിവെക്കുമെന്ന് അദ്ദേഹം അറിയിച്ചു. ലോകത്തിന് വലിയ ഭീഷണിയായേക്കാവുന്ന സൈനിക നീക്കങ്ങൾ നടക്കുമെന്ന് സൂചനകൾ നിലനിൽക്കെയാണ് ചൊവ്വാഴ്ച വൈകുന്നേരത്തോടെ നിർണ്ണായകമായ ഈ സമാധാന കരാറിൽ ഇരു രാജ്യങ്ങളും എത്തിയത്. കരാറിലെ…