മാനന്തവാടിയിൽ കെഎസ്ആർടിസി ബസും കാറും കൂട്ടിയിടിച്ച് ദാരുണാപകടം; രണ്ട് മരണം, ഒരാൾക്ക് ഗുരുതര പരിക്ക്

വയനാട്: മാനന്തവാടിയിൽ കെഎസ്ആർടിസി ബസും കാറും കൂട്ടിയിടിച്ചുണ്ടായ ദാരുണമായ അപകടത്തിൽ രണ്ട് പേർ മരിച്ചു. കോഴിക്കോട് – മാനന്തവാടി റൂട്ടിലോടുന്ന ബസാണ് കാറുമായി കൂട്ടിയിടിച്ചത്. അപകടത്തിൽ കാർ യാത്രക്കാരായ രണ്ട് പേരാണ് മരണപ്പെട്ടത്. കോടഞ്ചേരി സ്വദേശിയായ രഞ്ജു മാത്യു ആണ് മരിച്ചവരിൽ ഒരാൾ. മറ്റൊരാൾക്ക് ഗുരുതരമായി പരിക്കേറ്റിട്ടുണ്ട്. പരിക്കേറ്റയാളെ ഉടൻ തന്നെ ആശുപത്രിയിൽ പ്രവേശിപ്പിച്ചു