അമ്പലപ്പുഴയിൽ നെഞ്ചിടിപ്പോടെ സിപിഎം; ജയമുറപ്പിച്ച് ജി. സുധാകരൻ, പോക്കറ്റ് വോട്ടുകളിൽ ചോർച്ചയെന്ന് ആശങ്ക
അമ്പലപ്പുഴ: കേരള രാഷ്ട്രീയം ഉറ്റുനോക്കിയ അമ്പലപ്പുഴ മണ്ഡലത്തിൽ വോട്ടെടുപ്പിന് പിന്നാലെ വലിയ ആശങ്കയിലാണ് സിപിഎം. ജയിക്കുമെന്ന് പുറമെ അവകാശപ്പെടുമ്പോഴും പാർട്ടിയുടെ ഉറച്ച വോട്ടുകളിൽ ചോർച്ചയുണ്ടായോ എന്ന സംശയം പ്രാദേശിക നേതാക്കൾക്കിടയിലുണ്ട്. അതേസമയം, എൽഡിഎഫ് വിട്ട് യുഡിഎഫ് പാളയത്തിലെത്തി മത്സരിച്ച ജി. സുധാകരൻ വലിയ ആത്മവിശ്വാസത്തിലാണ്. അതികായനായ സുധാകരനും സിപിഎമ്മും തമ്മിലുള്ള നേരിട്ടുള്ള പോരാട്ടമാണ് മണ്ഡലത്തിൽ നടന്നത് എന്നത് കൊണ്ടുതന്നെ ഫലം ഇരുവിഭാഗത്തിനും അഭിമാന പ്രശ്നമാണ്. യുഡിഎഫിന്റെ പരമ്പരാഗത വോട്ടുകൾക്ക് പുറമെ സുധാകരൻ എന്ന വ്യക്തിയുടെ പ്രതിച്ഛായക്കും സിപിഎമ്മിനുള്ളിലെ…