പാചകവാതക വില വീണ്ടും വർദ്ധിപ്പിച്ചു: ഗാർഹിക സിലിണ്ടറിന് 29 രൂപ കൂടി
ദില്ലി: ജനജീവിതത്തിന് കടുത്ത ആഘാതമേകിക്കൊണ്ട് രാജ്യത്ത് പാചകവാതക വില വീണ്ടും വർദ്ധിപ്പിച്ചു. വീട്ടാവശ്യത്തിനുള്ള ഗാർഹിക എൽപിജി സിലിണ്ടറിന് 29 രൂപയാണ് ഇപ്പോൾ വർദ്ധിപ്പിച്ചിരിക്കുന്നത്. പുതിയ വിലവർദ്ധനവോടെ കേരളത്തിൽ ഒരു സിലിണ്ടറിന്റെ വില 951 രൂപ കടന്നു. കഴിഞ്ഞ മൂന്ന് മാസത്തിനിടെ ഇത് രണ്ടാം തവണയാണ് ഗാർഹിക പാചകവാതകത്തിന് വില കൂട്ടുന്നത് എന്നത് പൊതുജനങ്ങൾക്ക് ഇരട്ടപ്രഹരമായി മാറിയിരിക്കുകയാണ്.