പയ്യന്നൂർ അക്രമം: രണ്ട് ഡിവൈഎഫ്ഐ പ്രവർത്തകർ അറസ്റ്റിൽ; സിസിടിവി ദൃശ്യങ്ങൾ നിർണ്ണായകമായി
കണ്ണൂർ: പയ്യന്നൂരിൽ യുഡിഎഫ് സ്വതന്ത്ര സ്ഥാനാർത്ഥി വി. കുഞ്ഞികൃഷ്ണനെ പിന്തുണച്ച സിപിഎം പ്രവർത്തകൻ പുരുഷോത്തമന്റെ വീട് ആക്രമിച്ച കേസിൽ രണ്ട് ഡിവൈഎഫ്ഐ പ്രവർത്തകരെ പോലീസ് അറസ്റ്റ് ചെയ്തു. ഡിവൈഎഫ്ഐ പയ്യന്നൂർ വെസ്റ്റ് മേഖല പ്രസിഡന്റ് സുധീഷ്, മേഖല എക്സിക്യൂട്ടീവ് അംഗം അജയ് കൃഷ്ണ എന്നിവരെയാണ് പയ്യന്നൂർ പോലീസ് പിടികൂടിയത്. ആക്രമണത്തിൽ പാർട്ടിക്ക് യാതൊരു പങ്കുമില്ലെന്ന് സിപിഎം നേതൃത്വം ആവർത്തിക്കുന്നതിനിടയിലാണ് സജീവ പ്രവർത്തകരായ ഡിവൈഎഫ്ഐക്കാരുടെ അറസ്റ്റ് രേഖപ്പെടുത്തിയിരിക്കുന്നത്. തിരഞ്ഞെടുപ്പ് ദിവസം രാത്രിയിലായിരുന്നു പുരുഷോത്തമന്റെ വീടിന് നേരെ ക്രൂരമായ ആക്രമണം…