കണ്ണൂർ അഞ്ചരക്കണ്ടി ഡെന്റൽ കോളേജ് വിദ്യാർത്ഥിയായ നിതിൻ രാജിന്റെ മരണവുമായി ബന്ധപ്പെട്ട കേസിൽ പ്രതിയായ ഡോ. എം.കെ. റാമിനെ തലശ്ശേരി പ്രിൻസിപ്പൽ സെഷൻസ് കോടതി 14 ദിവസത്തേക്ക് റിമാൻഡ് ചെയ്തു. കോടതി ഉത്തരവിനെ തുടർന്ന് അദ്ദേഹത്തെ കണ്ണൂർ സബ് ജയിലിലേക്ക് മാറ്റി.
തലശ്ശേരി പ്രിൻസിപ്പൽ സെഷൻസ് കോടതിയുടെ പ്രത്യേക അനുമതി ലഭിച്ചതിനെ തുടർന്ന് ഇന്ന് വൈകിട്ടോടെയാണ് പുതിയ അന്വേഷണ സംഘം ഡോ. റാമിനെ വീണ്ടും അറസ്റ്റ് ചെയ്തത്. അറസ്റ്റ് അപേക്ഷയിൽ കോടതി അന്തിമ തീരുമാനമെടുക്കുന്നതിന് മുമ്പ് തന്നെ അദ്ദേഹം കണ്ണൂർ ക്രൈംബ്രാഞ്ച് ഓഫീസിൽ നേരിട്ട് ഹാജരായിരുന്നു.
നേരത്തെ, കൃത്യമായ നിയമപരമായ നടപടിക്രമങ്ങൾ പാലിക്കാതെ അറസ്റ്റ് ചെയ്തതിനെ തുടർന്ന് ഡോ. റാമിനെ കോടതി വെറുതെ വിട്ടിരുന്നു. അതിനുശേഷമാണ് പുതിയ അന്വേഷണ സംഘം വീണ്ടും കോടതിയെ സമീപിച്ച് അറസ്റ്റ് നടപടികളിലേക്ക് കടന്നത്.
