ജനവിധി ആദരവോടെ സ്വീകരിക്കുന്നു, ശക്തമായ പ്രതിപക്ഷമായി തിരിച്ചു വരും: പരാജയത്തിന് പിന്നാലെ പിണറായി വിജയൻ
തിരുവനന്തപുരം: നിയമസഭാ തിരഞ്ഞെടുപ്പിലെ ഇടതുമുന്നണിയുടെ അപ്രതീക്ഷിത പരാജയത്തിന് പിന്നാലെ ആദ്യ പ്രതികരണവുമായി സിപിഎം പൊളിറ്റ് ബ്യൂറോ അംഗം പിണറായി വിജയൻ രംഗത്തെത്തി. ജനവിധിയെ ആദരവോടെ സ്വീകരിക്കുന്നുവെന്നും വരാനിരിക്കുന്ന കാലയളവിൽ ശക്തമായ പ്രതിപക്ഷമായി മുന്നോട്ട് പോകുമെന്നും അദ്ദേഹം പ്രസ്താവനയിലൂടെ വ്യക്തമാക്കി. തിരഞ്ഞെടുപ്പ് ഫലം എൽഡിഎഫിനെ സംബന്ധിച്ച് തീർത്തും അപ്രതീക്ഷിതമാണെങ്കിലും, വലിയൊരു ജനവിഭാഗം ഇപ്പോഴും മുന്നണിക്കൊപ്പം ഉറച്ചുനിൽക്കുന്നത് ആത്മവിശ്വാസം നൽകുന്ന കാര്യമാണെന്ന് അദ്ദേഹം ചൂണ്ടിക്കാട്ടി. പരാജയത്തെക്കുറിച്ച് തുറന്ന പരിശോധന നടത്തുമെന്നും ജനങ്ങളുടെ അഭിപ്രായങ്ങൾ ഗൗരവമായി കേൾക്കുമെന്നും അദ്ദേഹം അറിയിച്ചു. തിരിച്ചടികളിൽ…