മുഖ്യമന്ത്രി വി.ഡി. സതീശൻ ഗുരുവായൂരിലും തൃപ്രയാറിലും ക്ഷേത്ര ദർശനം നടത്തി; വെണ്ണ കൊണ്ട് തുലാഭാര വഴിപാട്
ശ്രീഗുരുവായൂരപ്പ ദർശനത്തിനായി മുഖ്യമന്ത്രി വി.ഡി. സതീശൻ ഗുരുവായൂരിലെത്തി. ഇന്ന് രാവിലെ ഏഴു മണിയോടെ ക്ഷേത്രത്തിലെത്തിയ അദ്ദേഹം കണ്ണനെ തൊഴുത് പ്രാർത്ഥിച്ച ശേഷം വെണ്ണ കൊണ്ട് തുലാഭാര വഴിപാടും നടത്തി. മുഖ്യമന്ത്രിയായി ചുമതലയേറ്റ ശേഷം ആദ്യമായാണ് അദ്ദേഹം ഗുരുവായൂരിൽ ദർശനത്തിനെത്തുന്നത്. വഴിപാടിനായി 71 കിലോഗ്രാം വെണ്ണയാണ് വേണ്ടി വന്നത്. മാസത്തിലൊരിക്കൽ ഗുരുവായൂർ ക്ഷേത്ര ദർശനം ശീലമാക്കിയ ഭക്തനാണ് വി.ഡി. സതീശൻ. ഗുരുവായൂരിലെത്തിയ മുഖ്യമന്ത്രിയെ ദേവസ്വം ചെയർമാൻ എ.വി. ഗോപിനാഥ്, അഡ്മിനിസ്ട്രേറ്റർ ഒ.ബി. അരുൺകുമാർ എന്നിവരുടെ നേതൃത്വത്തിൽ പൊന്നാടയണിയിച്ച് സ്വീകരിച്ചു….
