വി.ഡി. സതീശനെതിരായ വ്യാജ വിവാഹ ആരോപണം: ഗൂഢാലോചന കേസിൽ ആന്റോ അഗസ്റ്റിൻ ഒന്നാം പ്രതി
തിരുവനന്തപുരം: മുഖ്യമന്ത്രി വി.ഡി. സതീശൻ രണ്ടാം വിവാഹം കഴിച്ചുവെന്ന ആരോപണത്തിൽ പൊലീസ് കേസെടുത്തു. റിപ്പോർട്ടർ ചാനൽ ഉടമ ആന്റോ അഗസ്റ്റിനെ ഒന്നാം പ്രതിയാക്കിയാണ് കേസ് രജിസ്റ്റർ ചെയ്തിരിക്കുന്നത്. മുഖ്യമന്ത്രിയെ പൊതുസമൂഹത്തിന് മുന്നിൽ അപമാനിക്കാൻ ശ്രമിച്ചതിനാണ് ഈ നടപടി. ഒരു ചടങ്ങിൽ സംസാരിക്കവെ ആന്റോ അഗസ്റ്റിൻ നടത്തിയ പ്രസംഗമാണ് കേസിന് ആധാരം. കോടികളുടെ മൂല്യമുള്ള വിവാഹരേഖകളുമായി രണ്ടു യുവാക്കൾ തന്നെ സമീപിച്ചുവെന്നും, കർണാടകയിലെ ബൈന്ദൂർ സബ് രജിസ്ട്രാർ ഓഫീസിൽ ഇതേക്കുറിച്ച് അന്വേഷണം നടത്തിയെന്നും അദ്ദേഹം വെളിപ്പെടുത്തിയിരുന്നു. മാത്രമല്ല, ഈ…