കൊട്ടാരക്കര നീലേശ്വരത്ത് നാടിനെ നടുക്കിയ ദാരുണമായ വാഹനാപകടം. നിയന്ത്രണം വിട്ട ടിപ്പർ ലോറി ബസ് സ്റ്റോപ്പിലേക്ക് മറിഞ്ഞ് മൂന്ന് പേർ മരണപ്പെട്ടു. രാവിലെ സ്കൂളിൽ പോകാനായി കുട്ടികൾ ഉൾപ്പെടെയുള്ളവർ ബസ് കാത്തുനിൽക്കവെയാണ് സംഭവം. അമിതവേഗതയിലെത്തിയ, മണ്ണ് കയറ്റിയ ടിപ്പർ ലോറി നിയന്ത്രണം വിട്ട് ബസ് സ്റ്റോപ്പിലേക്ക് പാഞ്ഞുകയറി മറിയുകയായിരുന്നു.
അപകടസമയത്ത് എട്ട് പേരാണ് ബസ് സ്റ്റോപ്പിൽ ഉണ്ടായിരുന്നത്. ലോറി മറിഞ്ഞതിനെ തുടർന്ന് ഇവർ ടിപ്പറിനടിയിലും മണ്ണിലും അകപ്പെടുകയായിരുന്നു. മരിച്ച മൂന്ന് പേരിൽ രണ്ട് പേർ മുതിർന്നവരും ഒരാൾ കുട്ടിയുമാണ്. അപകടത്തിൽ നാല് കുട്ടികൾക്ക് പരിക്കേറ്റിട്ടുണ്ടെങ്കിലും ഇവരുടെ പരിക്ക് ഗുരുതരമല്ലെന്നാണ് ലഭിക്കുന്ന വിവരം.
