വാണിയപ്പാറ പള്ളി സെമിത്തേരിയിലെ കല്ലറ ദുരൂഹത: അന്വേഷണം ഊർജ്ജിതമാക്കി പോലീസ്; പള്ളി ഭാരവാഹികളുടെ മൊഴിയെടുത്തേക്കും
കണ്ണൂർ: വാണിയപ്പാറ ഇൻഫൻറ് ജീസസ് പള്ളി സെമിത്തേരിയിലെ കല്ലറയുമായി ബന്ധപ്പെട്ട ദുരൂഹതകളിൽ പോലീസ് അന്വേഷണം ഊർജ്ജിതമാക്കി. 2006-ലും 2015-ലും അടക്കം ചെയ്ത രണ്ടുപേരുടെ ശരീര അവശിഷ്ടങ്ങളാണ് നിലവിൽ കല്ലറയിലുള്ളതെന്നാണ് പ്രാഥമിക നിഗമനം. ഇത് ഔദ്യോഗികമായി സ്ഥിരീകരിക്കുന്നതിനായി മരിച്ചവരുടെ ബന്ധുക്കളെ പോലീസ് ഉടൻ വിളിച്ചുവരുത്തും. അന്വേഷണത്തിൽ 38-ാം നമ്പർ കല്ലറയിൽ 2006-ൽ റോസമ്മ, 2015-ൽ ജയ്സൺ എന്നിവരുടെ മൃതദേഹങ്ങളാണ് അടക്കം ചെയ്തിരുന്നതെന്ന് കണ്ടെത്തിയിട്ടുണ്ട്. കൂടാതെ, ഇപ്പോൾ കല്ലറയിൽ നിന്ന് കണ്ടെത്തിയ പ്ലാസ്റ്റിക് പായ റോസമ്മയുടെ ശവപ്പെട്ടിക്കൊപ്പം വെച്ചിരുന്നതാണെന്നാണ് പോലീസ്…