കാസർകോട്: സംസ്ഥാനത്ത് അനുഭവപ്പെടുന്ന കടുത്ത ചൂടിനിടെ പാമ്പ് കടിയേൽക്കുന്ന സംഭവങ്ങൾ വർദ്ധിച്ചുവരുന്നു. ഇതിനിടെ കാസർകോട് എളേരിത്തട്ടിൽ നാലര വയസ്സുകാരിക്ക് പാമ്പ് കടിയേറ്റത് ആശങ്ക വർദ്ധിപ്പിക്കുന്നു. വീട്ടുമുറ്റത്ത് കളിച്ചുകൊണ്ടിരുന്ന പെൺകുട്ടിയെ മൂർഖൻ പാമ്പാണ് കടിച്ചത്.
സംഭവത്തെത്തുടർന്ന് കുട്ടിയെ ഉടൻ തന്നെ പരിയാരം ഗവൺമെന്റ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നിലവിൽ ഐസിയുവിൽ വിദഗ്ധ ചികിത്സയിൽ കഴിയുന്ന കുട്ടിയുടെ ആരോഗ്യനില ഗുരുതരമായി തുടരുകയാണെന്നാണ് ലഭിക്കുന്ന വിവരം. ചൂട് കൂടുമ്പോൾ പാമ്പുകൾ തണുപ്പ് തേടി ജനവാസ കേന്ദ്രങ്ങളിലേക്ക് ഇറങ്ങുന്നത് ഇത്തരം അപകടങ്ങൾ കൂടാൻ കാരണമാകുന്നുണ്ട്.
