’അറിവിൻ്റെ തീർഥാടനം’ എന്ന പേരിൽ ലോകപ്രശസ്തമായ ശിവഗിരി തീർഥാടന മഹോത്സവം രാവിലെ 10-ന് അശ്വതി തിരുനാൾ ഗൗരി ലക്ഷ്മി ബായി ഉദ്ഘാടനം ചെയ്യും. ഗുരുപൂജാ ഹാളിന് സമീപം സജ്ജീകരിച്ചിരിക്കുന്ന പ്രത്യേക പന്തലിലാണ് ചടങ്ങ്. ശിവഗിരി മഠം പ്രസിഡൻ്റ് സ്വാമി സച്ചിദാനന്ദ അധ്യക്ഷത വഹിക്കുന്ന യോഗത്തിൽ ജനറൽ സെക്രട്ടറി സ്വാമി ശുഭാംഗാനന്ദ മുഖ്യപ്രഭാഷണം നടത്തും.തീർഥാടനത്തിന് തുടക്കം കുറിച്ചുകൊണ്ട് രാവിലെ 5 മണിക്ക് ഗുരുദേവ മഹാസമാധിയിൽ അവതാര മുഹൂർത്ത പ്രാർത്ഥന നടക്കും. ഉദ്ഘാടന ചടങ്ങുകൾക്ക് മുന്നോടിയായി മുൻ ട്രഷറർ സ്വാമി പരാനന്ദ ഭദ്രദീപം തെളിക്കും. ഡിസംബർ 29 വരെ വിവിധ വിഷയങ്ങളിൽ സെമിനാറുകളും പ്രഭാഷണങ്ങളും ഉണ്ടായിരിക്കും. തുടർന്ന് ഡിസംബർ 30, 31, ജനുവരി 1 തീയതികളിലായാണ് പ്രധാന തീർഥാടന സമ്മേളനങ്ങൾ നടക്കുക.
ശിവഗിരി തീർഥാടന മഹോത്സവത്തിന് തിരിതെളിയുന്നു
