ബലിപെരുന്നാൾ പ്രമാണിച്ച് സംസ്ഥാനത്ത് മെയ് 28-നും സർക്കാർ പൊതുഅവധി പ്രഖ്യാപിച്ചു. നേരത്തെ മെയ് 27-ന് മാത്രമായിരുന്നു അവധി നിശ്ചയിച്ചിരുന്നത്. എന്നാൽ മാസപ്പിറവി കാണാത്തതിനെ തുടർന്ന് കേരളത്തിൽ മെയ് 28-നാണ് ബലിപെരുന്നാൾ ആഘോഷിക്കുന്നത്. ഈ സാഹചര്യം കണക്കിലെടുത്താണ് മെയ് 28-ന് കൂടി അവധി നൽകാൻ സർക്കാർ തീരുമാനിച്ചത്.
ഇതുസംബന്ധിച്ച് സംസ്ഥാന സർക്കാർ ഔദ്യോഗിക ഉത്തരവിറക്കി. മെയ് 27, 28 തീയതികളിൽ അവധി പ്രഖ്യാപിച്ചതോടെ സംസ്ഥാനത്ത് തുടർച്ചയായി രണ്ട് ദിവസങ്ങളിൽ പൊതുജനങ്ങൾക്ക് ബലിപെരുന്നാൾ അവധി ലഭിക്കും.
