Tag: latestnews

ചമോലി: ശക്തമായ മഴയെ തുടർന്ന് ഉത്തരാഖണ്ഡിലെ ചമോലി ജില്ലയിൽ വൻ മണ്ണിടിച്ചിൽ. ജോഷിമഠ്–മാർവാരി പാലത്തിന് സമീപം ഇന്ന് പുലർച്ചെയോടെ റോഡിന്റെ വലിയൊരു ഭാഗം തകർന്നൊലിച്ചതിനെ തുടർന്ന് ബദരീനാഥ് ദേശീയപാതയിൽ ഗതാഗതം പൂർണമായും തടസ്സപ്പെട്ടു. മണ്ണിടിച്ചിലിനെ തുടർന്ന് റോഡിലേക്ക് വൻതോതിൽ മണ്ണും കല്ലുകളും പാറക്കഷണങ്ങളും പതിച്ചതോടെ വാഹന ഗതാഗതം നിർത്തിവെക്കേണ്ടിവന്നു. നിരവധി വാഹനങ്ങൾ റോഡിന്റെ ഇരുവശങ്ങളിലും കുടുങ്ങിയതായി റിപ്പോർട്ടുണ്ട്. അപകടത്തിൽ ആളപായം റിപ്പോർട്ട് ചെയ്തിട്ടില്ല. മണ്ണിടിച്ചിലിനെ തുടർന്ന് തകർന്ന റോഡ് പുനഃസ്ഥാപിക്കുന്നതിനും ഗതാഗതം പുനരാരംഭിക്കുന്നതിനുമായി അധികൃതർ നടപടികൾ ആരംഭിച്ചിട്ടുണ്ട്….

ചെന്നൈ: തമിഴ്നാട്ടിൽ വൻ ജനക്ഷേമ പ്രഖ്യാപനങ്ങളുമായി മുഖ്യമന്ത്രി സി. ജോസഫ് വിജയ്. വാർഷിക വരുമാനം 2.5 ലക്ഷം രൂപയിൽ താഴെയുള്ള കുടുംബങ്ങൾക്ക് ഒരു വർഷം മൂന്ന് പാചകവാതക സിലിണ്ടറുകൾ സൗജന്യമായി ലഭ്യമാക്കുന്ന പദ്ധതി സർക്കാർ പ്രഖ്യാപിച്ചു. ‘അന്നപൂർണി സൂപ്പർ സിക്സ്’ എന്ന് പേരിട്ടിരിക്കുന്ന പദ്ധതി 2027ലെ പൊങ്കൽ മുതൽ നടപ്പാക്കാനാണ് തീരുമാനം. ഏകദേശം 1.30 കോടി കുടുംബങ്ങൾക്ക് പദ്ധതിയുടെ പ്രയോജനം ലഭിക്കുമെന്നാണ് കണക്കാക്കുന്നത്. മൂന്ന് എൽപിജി സിലിണ്ടറുകൾ വാങ്ങുന്നതിനാവശ്യമായ തുക ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് നേരിട്ട് കൈമാറും….