ഇന്ത്യൻ ഫോട്ടോജേണലിസത്തിന്റെ കുലപതി രഘു റായ് അന്തരിച്ചു; വിടവാങ്ങിയത് അഞ്ച് പതിറ്റാണ്ടോളം രാജ്യത്തിന്റെ ആത്മാവ് പകർത്തിയ പ്രതിഭ
ദില്ലി: വിശ്വപ്രസിദ്ധ ഇന്ത്യൻ ഫോട്ടോ ജേണലിസ്റ്റ് രഘു റായ് (83) അന്തരിച്ചു. ദില്ലിയിലെ വസതിയിൽ ഇന്ന് രാവിലെയായിരുന്നു അന്ത്യം സംഭവിച്ചത്. അദ്ദേഹത്തിൻ്റെ വിയോഗവാർത്ത കുടുംബാംഗങ്ങളാണ് സമൂഹമാധ്യമങ്ങളിലൂടെ പുറത്തുവിട്ടത്. സംസ്കാര ചടങ്ങുകൾ ഇന്ന് വൈകിട്ട് നാല് മണിക്ക് ദില്ലിയിലെ ലോധി മൈതാനത്ത് നടക്കുമെന്ന് ബന്ധുക്കൾ അറിയിച്ചു. ഇന്ത്യൻ ഫോട്ടോജേണലിസത്തിൻ്റെ കുലപതിയെന്ന് വിശേഷിപ്പിക്കപ്പെടുന്ന രഘു റായ്, അഞ്ച് പതിറ്റാണ്ടിലേറെ നീണ്ട തൻ്റെ ഔദ്യോഗിക ജീവിതത്തിലൂടെ രാജ്യത്തിൻ്റെ ആത്മാവ് ക്യാമറയിൽ പകർത്തിയ പ്രതിഭയാണ്. 1942-ൽ ഇന്നത്തെ പാകിസ്ഥാനിലെ പഞ്ചാബ് പ്രവിശ്യയിലുള്ള ഝാങ്…
